Sot ka ndërruar aktori i njohur shqiptar, Muhamet Liko.

Ai vdiq në moshën 65 vjeçare dhe la pas vetës një karrierë të gjatë dhe suksesshme artistike, shkruan portali arbresh.info.

Lajmi i vdekjes së tij ka prekur të gjithë dhe shumë emra të njohur kanë shprehur ngushëllime.

Përmes një postimi në rrjetin social presidenti i Shqipërisë, Ilir Meta u shpreh se Liko ishte një mjeshtër i madh i skenës dhe se kujtimi për të do të jetë i paharruar.

Statusi i plotë i Ilirë Metës pa ndërhyrje:

Me hidhërim mësova lajmin e trishtë të ndarjes nga jeta të aktorit të spikatur të humorit shqiptar, njërit prej parodistëve më të dashur të Vlorës, Muhamet Liko.
Ashtu si për të gjithë artdashësit dhe simpatizantët e Tij të panumërt, kjo humbje e parakohshme dhe e pazëvendësueshme më ka prekur thellë.
Mjeshtri i Madh i skenës, Muhamet Liko do të mbahet mend përherë për paroditë, skeçet, humorin karakteristik e rolet gazmore, nëpërmjet të cilave jo vetëm falte momente të pashlyera argëtimi, por njëkohësisht stigmatizonte me plot mençuri plagët sociale të shoqërisë shqiptare.
Duke ndarë dhimbjen e thellë për humbjen e këtij artisti të madh, i përcjell ngushëllimet më të sinqerta bashkëshortes dhe fëmijëve, të afërmve dhe gjithë bashkëpunëtorëve të Tij.
I paharruar do të mbetesh parodisti ynë i dashur!